مــصــر - أولاد وبـنـات ™ Egypt - Boys and Girls

نسعى دائما ً لعرض الحقيقة بجميع وجوهها فشاركنا الرأى الحر
 
الرئيسيةالتسجيلدخول

شاطر | 
 

 خواطر الأديب .. محمد النقيب .. شاعر أبناء مبارك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ahmed
مـــجـــرد إنـــســـان
مـــجـــرد إنـــســـان
avatar

ذكر
عدد الرسائل : 925
السٌّمعَة : 0
نقاط : 1245
تاريخ التسجيل : 28/01/2008

مُساهمةموضوع: خواطر الأديب .. محمد النقيب .. شاعر أبناء مبارك   الجمعة 06 مايو 2011, 5:58 am




خواطر باكية تنعي حال مصر بعد أحداث يناير 2011 للمبدع محمد النقيب
شاعر الفلول

الموضوع متجدد

خواطر الأديب محمد النقيب
ثورة الجواسيس
ثورة الجواسيس
اناخلاص اتخنقت
وزهقت ياناس وتعبت
شتيمه وقلة ادب
وكلام يجيب العصب
...
وناس كانت بتمدح
راسمين دلوقت الغضب
انا فعلا اتخنقت
وبجد كمان قرفت
بس خلاص عرفت
الثوره قامت ليه
علشان نهد البلد
ونهز عرش الاسد
ونعيش كمان للابد
من غير كبير ولاسند
الكل يشتم في كله
والاب يخاف من الولد
الكل يعيش في فوضي
من غير غفير ولا عُمد
الكل اصبح فتوه
الكل عامل وتد
كنا زمان بنبني
دلوقت نحب الهدد
برضه الفقير جعان
وزاد عليه المرض
يا ثوره الجدعان
الامن ليه انقرض
والناس بتسرق ليه
ومفيش هدوء اتفرض

الثوره قامت ليه
وليه الزعيم اترفض
ما حالنا هو حالنا
جوع وفقر ومرض
...
طب بس ايه الغرض
وايه بس اللي كان
ياريت نرجع زمان
كنا صحيح جعانين
وكنا عايشين في امان
كنا ساعات نتسرق
وساعات نلاقي الحنان
يا ثوره التصحيح
بجد قوليلي صحيح
ازاي جاسوس جبان
واقف بشكل صريح
يغني وسط الناس
وكمان يقول تصريح
وازاي يكتب كمان
شعارات بشكل فصيح
بجد شئ غريب
عايز اكيد توضيح
ياثوره الجواسيس
فجرها شباب السيس
ياثوره الخاينين
كنا زمان عايشين
انتو جيتولنا منين
انا بجد اتخنقت
وطفح بيا الكيل
خايف تضيع البلد
ويطول علينا اليل
شاعر الفلول
محمد النقيب

فارس نبيل
الفارس النبيل
سقط من فوق الحصان
بعد العمر الطويل
وسنين كانت امان
...
الفارس كان اصيل
والخيل فرس رهوان
يشق صمت الليل
يدوس علي الاحزان
كان بيزرع بذور الامل
ويحصد ورود اغصان
بس الفارس وقع
وسقط من فوق الحصان
هاجت عليه الكلاب
وفرح فيه الشيطان
ماخفش منها وحلف
يموت وسط الميدان

يموت فارس نبيل
ولا يهرب زي الجبان
هيموت زي نسر السما
فوق الجبل عالي
...
هيموت زي اب عزيز
في عنين الولد غالي
هيموت حسني مبارك
والموت هيبكي عليه
والدمع ينزل جمر
والناس تنكوي بيه
ونقول ياريته يرجع
والندم هيفيد بإيه
ماكان معانا فارس
واحنا غدرنا بيه
من اشعار
محمد النقيب
شاعر الفلول

إحكي يا شهرزاد

جلست مصركشهرزاد
تبكي وتحكي للاحفاد
فقالت..
بلغني ان الملك العظيم
...
ذي الراي الحكيم
تخلي عن حكم البلاد
تخلي كفارس نبيل
ليحقن دماء العباد
ترك للناس امرهم
بلا غضبً ولا احقاد
رحل وترك الوطن
ليصنعو له الامجاد
رحل كنسر طليق
بجرح يدمي الفؤاد
رحل بمركب النسيان
مجروحا ينزف هوان
فوصل جزيرة الصمت
جزيرة العود والريحان
يصارع المرض والموت
يرتشف عبق الاغصان
ينتظر قول الاجل
والموت فضلا واحسان

ينتظر شعبا كريما
ان ينحني عفوا وشكران
ينتظر حبا وتمجيدا
وتخليدا بين الاقران
...
فطالت اصابع الغدر
تقتله جحودا ونكران
فراح يبكي علي عمرً
في خدمة الاوطان
ايها المجروح لاتحزن
ولاتسمع قول البهتان
لاتخجل ولاتياس ابدا
فالحق منار الوجدان
والجاحد مغرورا يسقط
وسيبقي تاريخ الانسان
وعندها ادركت مصر الصباح
فسكتت عن الكلام المباح
فبكت عيون الاحفاد
من قسوة الاجداد

مصر لازم تموت

مصر لازم تموت
علشان تعيش الثوره
مش لازم مصر تفضل
مش لازم تبقي حره
...
يامصرعشتي كتير
وكنتي مستقره
زهقنا يا مصر منك
زهقنا خلاص ياطاهره
احنا ولاد البرادعي
احنا شباب العوره
عايزينك تبقي نار
عايزينك تبقي عره
واللي رافض وجودنا
مكانه هيبقي بره
مصر لازم تموت
علشان تعيش الثوة
مصر مش لازم تعيش
ولاحتي لازم جيش
مش لازم حتي شرطه
مش لازم فرن عيش
...
مش لازم حتي ناكل
مش لازم حد يعيش
بس لازم نقوم بثورة
ولازم ثورتنا تعيش
عشان يعيش الجنين
الام لازم تموت
مين في الحياه بيعيش
بعد ما عمره يفوت
واللي يجيله الموت
مش ممكن يوم يعيش
مصر لازم تموت

بكرهك يا مصر
انامش بحبك يامصر
انا فعلا بكرهك
بكره حتي خيرك
مش طايق منظرك
كرهني فيكي ولادك
...
اللي عملوا ثورتك
قتلوا فيكي الرمز
اغتالوا.رحمتك
اناغاضب عليكي يامصر
ورافض.. دنيتك
موجوع وقلبي حزين
عايز اشوف اخرتك
زعلت عليكي جدا
لما ماتت فرحتك
ولسه ياما هاحزن
لماتنزل دمعتك
انالسه بحبك يامصر
وانتي لسه كمان في دمي
انابس غضبان شويه
وبفوقك .ياامي
فوقي ياحلي مصر
الثوره هتغرقك
ارفعي راس مبارك
اللي يامافرحك

مصر المقبره

في زنزانه كئيبه مظلمه قاحله القي به الحارس في احضانها بلا رحمه فجلس في احد زواياها متشبثا بركبته مرتعدا خائفامتحسرا وفي راسه يدور الف سؤال وسؤال ماذا جنيت ماهو ذنبي وخطئتي وظل يسأل حتي تسللت أشعه الشمس الحمراء من بين قضبان حديديه لتقضي علي ليله الطويل وعندها قرأ رساله علي الحائط تقول هنا مقبرة من افنوا عمرا وخدموا شعبا ونصروا وطنا وماتوا قهرا . عبد الناصر .السادات. فامسك بقطعة جير وكتب وانا حسني مبارك


هنا بدأت ثورتنا
مشهد رأسي لميدان التحرير .. وقف مذهولا ً أعياه التعب من كثرة السير
ومن ثقل أحلامه علي كتفه , وقف مذبوحا ً لا يصدق ما تراه عيناه من حطام وركام ,
وذئاب تعوي وكلاب تنبح , فوضى لم يسلم منها شيئ فقد أصبحت المدينة خالية إلا من كل شيئ قبيح
علم مهلهل وبقايا آلات عسكرية وأطلال من بقايا البيوت
وفي أعلي مكان لوحة مكتوب عليها باللغة العبرية لغة دولة اليهود
هنا ميدان التحرير , هنا بدأت ثورتنا ..
إمضاء .. وائل كوهين

المشهد المهيب
تجوب الجنازه شوارع المدينه والنعش ملفوف بالعلم ولكنه علم بلا نسر والجنازه اولها عيون حالمة

وآسكرا عيون باكيه واوسطها راقصات عاريات
والمشيعين منهم من يجهل من مات وكيف مات ومنهم من جاء من اجل الارث
والعامه في الشرفات تبكي الرجل وتنعي نسر العلم حتي وصل الرجل لمثواة الاخير
فكتبوا علي قبره ماتت يوم 25 يناير...
اقراوا لمصر الفاتحه ... ماتت حزنا علي نسرها وغدرا من ابنائها ... كل نفس دائقه الموت.

الكنز المنشود
إجتمع الأبناء وقرروا التخلص من الأب كي يصلوا للكنز المنشود وفعلا قتلوا الأب وحفروا كل شبر في الأرض حتي إنهار المنزل بالكامل فلم يجدوا سوي صندوق صغير به رساله من سطرين الأول, إنما الأمم الأخلاق ما بقيت فإن هم ذهبت أخلاقهم ذهبوا , والثاني, مانزع اللين من شيئ إلا شانه. فضاع الأب وضاع البيت ودي كانت حكايه شعب ال 80 مليون باعوا أخلاقهم ونزعوا الرحمه من أجل وهم كبير إسمه ال 70 مليار
http://www.almasryalyoum.com/node/376737


درس الثورة
وقف المعلم وكتب تاريخ اليوم .. 25 يناير 4011 ميلاديه
وقال إفتحوا درس عيد ثورة الخامس والعشرين من يناير
ثم أمر تلاميذه بترديد ما سيقوله ثم ردد باكيا ً
قتلوا .. سلبوا .. حرقوا .. دمروا .. جحدوا .. نكروا
فسأله التلميذ النجيب في الفصل من هؤلاء يا إستاذي ؟
فرد عليه المعلم وقد انهمرت عبرات صامته علي خديه
إنهم أجدادنا .. عاشوا علي أرض هذا الوطن منذ ألفي عام
وغيروا إسمه من مصر الأمان إلي مصر الجحود والنكران

رساله ابناء مبارك
سيدي الريس
ارى دمعا يشق وجنتيك
وقهرا يقسوعليك
وحزنا قابعا بين عينيك
...الاتعلم اننا دوما
نناجي مسمعيك
ونأتيك في الليل سرا
كنسيما علي خديك
الاتشعر بنا ابناءاً
يقبلون يديك
الاتشعر بنا عشاقا
يحملوا حبا اليك
يا سيدي الرئيس
الارفقا بجرح مقلتيك
رفقا بقلبك المريض
وجمود مدمعيك
اراك شامخا طائر
فلا تثقل جناحيك
انطلق فوق الذئاب
فانها تحت قدميك
انت فوق رؤسنا
وقلوبنا بين كفيك


وإن كنت حقا اسيرا
فقلوبنا تقيد... معصميك
سيدي الرئيس
اننا نحن الابناء
...طيورا تصدح بالسماء
ترفع اسمك عاليا
تغني لحن الوفاء
قم الينا شامخا
انتهي وقت البكاء
فالكل يخرج حاملا
الروح قبل الولاء
فالحق ات غاضبا
مع ثورة الابناء
من اشعار
محمد النقيب
شاعر ابناء مبارك

رسالة حفيد
من فوق سابع سما
بسلم يا جدو عليك
ببعتلك ياجدو حب
وببوس كمان ايديك
...
وعندي يا جدو سؤال
انا ليه خايف عليك
وحاسس بيك بقلبي
ودموعك جوا عنيك
انا حاسس بيك ياجدو
وعارف ايه اللي بيك
انا حاسس بظلم وقهر
وغدر كتير حواليك
عشانك حزين وببكي
وبدعي ربي ليك
يفك اسرك ياجدو
ومن غدرهم يحميك
ولحد يوم براءتك
قادر ربنا يحميك


انا هنا قاعد لوحدي
وبفكر ياجدو فيك
ونفسي اخدك بحضني
وتحس بشوقي ليك
...
واحشني يا اطيب جد
وقلبي مستنيك
انا حبي يفوق الحد
وده شئ اكيد يكفيك
انافاكر ايام زمان
وانا قاعد بين ايديك
كنت سعيد بتضحك
والضحكه تملي عنيك
متخافش ياجدو ابدا
ربك كريم وعارف
انك حبيب والديك
والدنيا بكره تشهد
والحق يرجع إليك
وساعتها بس تجيني
ووجودي معاك يغنيك
من اشعار
محمد النقيب
شاعر مبارك

قسم أبناء مبارك
سيدي الرئيس
اقسم بالله العظيم
صاحب العفو الكريم
الرحمن الرحيم
...ان يكون الدفاع عنك
هو قدري وقضيتي
ومن اجله اطلق
جنون قوتي
واحطم لاجله
قيود إرادتي
واعلن علي الناس
فخري بك ومحبتي
وابكي عليك دما
ولا امسح دمعتي
وابني لك محرابا
ليكون دنيتي
واروي لابنائي عنك
واسرد قصتي
فانت حسني مبارك
ومصدر عزتي
من اشعار
محمد النقيب
شاعر الفلول

الدنيا زي البتاعه
بعد نكسة التحرير
طلع مليون اشاعه
وكلام تخاريف بيطير
وبهايم عامله اذاعه
...ياثائر التحرير..
الدنيا زي البتاعه
ممكن تجيلك يوم
وتبعد عنك في ساعه
خدبالك من الكبريت
وحرص من الولاعه
النار عماله تحرق
وانت نازل دلاعه
بلاش تقرر لوحدك
واسال راي الجماعه
انت لازم تسمع كلامنا
ولا انت محتاج سماعه

الثوره مش تحرش
ولا وقفه وصياعه
الثوره يعني شغل
وسياحه وصناعه
...الثوره يعني تحصد
بعد مجهود الزراعه
الثوره يعني عفو
مش انتقام بفظاعه
الثوره يعني علم
مش جهل ومياعه
الثوره يعني تعرف
معني كلمه قناعه
الثوره يعني تشكر
مبارك رمز الشجاعه

مصر خلف الاسوار
خلف اسوار الظلام
تٌقتل ملامح النور
تُحبس طيور السلام
تموت كل النسور
...تُنهش اكباد الجثث
تُفتح ابواب القبور
يسكت نبض الامم
يُطمس تاريخ العبور
يُصبح ابليس اماما
يكتب اشعارا وسطور
يسقط الجبل العتيق
تحت اقدام الفجور
يُصبح الخائن صديق
والكاذب صادق يثور
تثور كلاب الطرق
لتنهش لحم الطيور
تُهدم قصور الحق
لتبني بيوت الزور
وستار المسرح ينشق
ويهلل كل الجمهور
لخائن يعزف منفردا
علي وتر العود المكسور
...واللحن الصادق لا يُسمع
ولا يخرج ابدا للنور
الثائر حقا لايظلم
ولا يصبح يوما مغرور
ولا يحمل سيفا مسموما
لقطع الراس كمسرور
الثائر حقاً انسان
يملك احساسا وشعور
الثائر حقا لاينسي
ان يرحم قلبا مقهور
الثائر حقا لايجرح
ولايقذف حرا بالزور
الثائر حقا لايمدح
سفاحا يخرج للنور

الحق يقول

انا الحق مرتحلا
اشق الارض كالانهار
اغزو الظلم منتصرا
عزفت العود والاوتار
...
هجرت مصر منهزما
يهزمني غدر الاشرار
تركت مصر مقهورا
عبرت البحر والاسوار
رايت الصدق معدوما
قرات الزورعالاحرار
ومن ينصرني منفعلا
يقذفه الناس بالاحجار
وجدت العدل مشتعلا
وكشفت الستر والاسرار
فرأيت الدٌعر منسجما
يقول الوعظ في الاخيار

واناسا يمشون عُراتا
لبسوا ثوب الابرار
ولصوصا يقيمون صلاةً
وجخاً يشدو باشعار
...
ونجماً ينجب عصفورا
يجعله بطلا مغوار
ويموت النسرمكسورا
مدبوحا فوق الاشجار
بكيت الدم علي بلدا
يقتله حقد الثوار
لكي الله يامصر
يابنت العز والاطهار


صوت القطار
حان وقت السفر
وانطلق صوت القطار
تغيب الشمس حزنا
ينسحب ضوء النهار
...
يأن الرصيف وجعا
يشتعل القضيب نار
يفر القطار هربا
يهجر عطشا ودمار
بكي الاطفال رعبا
ناشدوا عطف الثوار
تموت مصر ضعفاً
تسقط كل الاشجار
الايكفي الثورة نصرا
ان تسقط كل الاسوار؟
وتجري دماءا انهار
ويكون التحريروطنا
يسكنه كل الاشرار

يموت الفقير جوعا
تكشف سوءات الاخيار
ايها الثوار
صنعتوا المجد لانفسكم
...
وتركتوا المسرح ينهار
الا ترفعوا ايديكم كرما
وتثورا خلقا ووقار
مللنا الحديث منكم
وكرهنا كل الاخبار
اتركوا مصر بلدا
يحكمه جيشا مختار
حان وقت رحيلكم
وانطلق صوت القطار


اليوم 25 يناير
حانت لحظه الطلق
الأم تصرخ وتتألم
والأب يدعو اللهم سلم سلم
والكل يكتم الانفاس ألما وفزعاً
...
فالزمن يتوقف والياس يشق الصدور
وساعات الانتظار ساكنه لا تدور
وعقارب الساعه تشق الصمت الرهيب
ثم خرجت صرخه الجنين
لتلقي الرعب في القلوب
ويرتد صداها للحناجر
فيحل الصمت خوفا ورعباً
ثم تخرج عليهم الام باكيه
بيدها مولود اسود قبيح
محفورعلي جبينه
(ائتلاف شباب الثورة)


25 يناير
اليوم فقط استلمت الرساله المنتظره وعلمت انه اليوم الموعود فوقفت امام المرآه لترصد كيف بدأت معالم الشيخوخه تنسحب من وجهها الشاحب وكيف ستصبو ثلاثين عاما للوراء كيف سيعود شعرها الاسود الخشن لسلاسل حريريه مدهبه براقه ولما لا فقد جاء موعد نشاطها وشبابها واصبح كل شئ معد لاستقبالها وفي ميدان التحرير استقبلها الحضور بالتصفيق الحاد فرفعت راسها وقالت انا الفتنه وحان وقت العمل



الرقص مع الذئاب

في مملكة الاسود
العدل سوف يسود
يعم الظلم احيانا
ولكن الحق يعود
...
...في ممكلة الاسود
تٌفرض احكاما وقيود
الذئاب ترقص بعيدا
وتختبئ حتي القرود
يعيش الكل اميناً
يصنع احلاما ووعود
وان تسقط مملكه الاسود
تستباح كل الحدود
تسمع عواء الذئاب
تنهار كل السدود
تشاهد رقص الكلاب
فوق اجساد الفهود
تعلو اصوات النفاق
الصدق يبات مفقود

يسقط حامي الحما
ينهار السد المنيع
تفتح ابواب الفتن
يتنحي الاسد الشجيع
يضيع حق الضعيف
...
يموت الحمل الوديع
تخرج فئران الرمم
من جحر سافل وضيع
ترقص كل الذئاب
وتاكل لحم الرضيع
يسقط قانون الغاب
ويرحل عنه القطيع



ذئاب الجبل2011
هاجت ذئاب الجبل
ودخلت كل دار
قتلت فينا الامل
...واتنحي الشيخ بدار
كان بيصبر صبر الجمل
كان بيمسك جمر النار
القمر من حزنه افل
والشمس غابت ليل نهار
ايامه كانت مر وعسل
من بعده عايشين في مرار
كلاب وكانت زي الحمل
وفجاه طلعت زي التتار
كلاب وقالت ارحل ارحل
رحل وسبنا في الدمار
مصر قامت تبكي وتسال
فينك.. ياشيخ بدار
الشيخ.. بيموت ذليل
لما هانه شويه عيال


في مدرسة الثوره
اتعلمت اكون صريح
والصراحه من غير ادب
تبقي فعلا شئ قبيح
اتعلمت كمان الاهانه
...
...والكدب والزور والتجريح
اتعلمت اقوم بثوره
علشان اركب مراجيح
اتعلمت اصرخ واشوح
واشرب حشيش تفاريح
واقفل كمان الميدان
والدخول يبقي بتصريح
اتعلمت اعمل ملوتوف
وارميها وانا وشي صريح


اتعلمت اعملي غاره
واسمع لكلام نواره
احرقلي قسم شرطه
واخطفلي كمان طياره
ممكن اعمل اي حاجه
...
...وتبقي كمان شطاره
ممكن اركن صف تاني
ممكن اكسر حتي الاشاره
ثوره يعني فوضي
والفوضي عاوزه مهاره
اتعلمت مفيش احترام
واللي يقولي عيب
يبقي عليه السلام
محدش خلاص يتكلم
ولايعمل فارس همام
الثوره لما تقوم
كله يعظم سلام
سلااااااااااااام



إفعلوا ما شئتم

علي اوراق غصن الزيتون
قرات انا حكايتها
عرفت اني كنت يوما
من ابطال قصتها
فافعلوا ما شئتم بتاريخي
...فسيروي الزيتون يوما
اني حملت رايتها
دعوني وحدي في سجني
فالسجن دليل محبتها
ان كنت مريضا في قلبي
فالقلب شهيد كرامتها
دوسوا اسمائي بارجلكم
ستكتب اسمائي بدمعتها
وسيروي التاريخ يوما
اني حملت رايتها


محكمة الجنايات
في محكمة الجنايات والنقض
وضعوني خلف القضبان
جعلوا مني اسيراً عبد
نزعوا عني كلمة انسان
...
قالوا اني خُنت العهد
زعموا اني كنت جبان
نظروا إليا بكل الحقد
ورموني بسهم النكران
سيف الغدر اليا امتد
يقطع اوصال الشريان
ألم الظلم بقلبي اشتد
نزفت لهيب البركان


صرخت مصر بصوت الرعد
إني مظلوما واُهان
وإني زرعت بذور المجد
فأين جزاء الاحسان
...
ترمي عليا رحيق الورد
تغمرني حبا وحنان
تقسم اني حميت الارض
واني اخاف الرحمن
لم اامر قتلا بالعمد
لم اسرق خير البلدان
قالت عني قول الصدق
والصدق قوي البنيان
فوقف القاضي ونطق الحق
اني رمز الأوطان


مبارك انا
مبارك انا والكل يعرفني
انا التاريخ في صفي
ومصر العريقه تذكرني
إن قالوا عني في كذبً
...
سياتي الدهر ينصفُني
مبارك انا والعز في صوتي
ومن في العز يكبرني
رفعت الرأس منتصرا
وجعلت الناس احرار
بنيت المجد في بلدي
وغزوت الجو طيارا


واجهت الموت في صغري
حاربت جيشا جرارا
افنيت العمر في وطني
وزرعت البور اشجارا
...
حفرت المترو في ارضي
اطلقت النيل اقمارا
صنعت الامن في عهدي
عمرت خرابا ودمارا
ابكيت الناس في خُطبي
لم اخُفي يوما اسرارا
لم احمل حقدا في قلبي
لم اقصف قلما مغوارا
وسادُفن بطلاً في قبري
وعلي قبري .. ستُكتب اشعارا

كليلة ودمنة 2011


وقفت الحيوانات ثائره غاضبه متحفزه بأنيابها وحوافرها يتقدمهم الكلاب والذئاب والفئران والجرذان مطالبين بسقوط مملكه الأسود , تلك المملكه التي عاشت علي دمائهم وأكبادهم منذ بدء الخليقه وما هي إلا ساعات قليله حتي أتاهم نبـأ تخلي الأسد عن العرش , فعمت الفوضي وأصبح كل منهم فريسه لمن يكبره ومفترسا لمن يصغره ,حتي وإعتلت الكلاب علي العرش وقال أحدهم أنا الملك .. فقال الفيل الحكيم أسقطنا الأسود لتعلونا الكلاب ,جاءنا البيان التالي .. البرادعي وعكاشه مرشحان للرئاسه

قالها صريحة وعلي أرضه أموت
قررنا نحن وكيل نيابه القهر والتعسف التابعه لوزاره الظلم والطغيان
حبس المتهم 15 يوم علي ذمة التحقيق حيت ثبت من اخلال اوراق التاريخ والشكاوي المقدمه ضده
انه بالفعل قد افني عمرا في خدمة هدا الوطن وساهم في صنع حريته وكرامته
كما انه يصر أن يموت علي ارض هدا الوطن
مما يعد اخلاصا مع سبق الاصرار والترصد .... هدا ويراعي التجديد له في الميعاد .

إنتهى الدرس يا غبي
سؤال للنائب العام ولكل مصري علي أرض الوطن لماذا لم يشترط الرئيس التنحي مقابل عدم المحاكمة أو الملاحقة له ولأسرته كما فعل رئيس اليمن لماذا ...
بإختصار لأنه رجل شريف وصاحب عزة وكرامة ولكننا أصبحنا في بلد ال 80 مليون غبي
ودائما ينتهي الدرس ياغبي إنتهي درس الصدق والوفاء والاخلاص .. إنتهي درس التاريخ .. إنتهي الدرس لموا الكراريس .. إنتهي الدرس وكلكم راسبون إنتهي الدرس يوم سقط المعلم علي يد الجهلاء


حكايه وطن
وقف سلامه وقال ياأهل مصرالمحروسه ياأهل الكرم والجود انامش هاقول انتي فين ياجهاد ولاهاحكي عن الاميرمحمود اناهاحكي حكايه بلد كانت ام الوجود مقدرش عليها التتار ولا قدر يكسرها اليهود باعها وائل بالدولار وسلمها للقرود زرعها فتنه ودمار وخلي كلابها اسود كلاب بتنبح بالنهار وبالليل الخوف يسود راحت لياليها الحلوه وهنشوف الليالي السود ياريت يرجع مبارك يمكن امانها يعود انتي فين يامصر يأم الوجود


يوم 11فبراير
وقفت امام المرآه لتراقب لحظات موتها
وكيف تنسحب الحياه من اطرافها
كيف اغتال السواد الوان علمها
...
......كيف ياكل السم خلايا جسدها
...وتخيلت كيف ماتت وكيف ذبحوا ابنها
كيف عاثوا في الارض فسادا
كيف اهانوا رمزها
كيف ذلوا من كان عزيزا
كيف اكلوا قلبها
كيف كان شعبا كريما
كيف بات يهوي ذبحها
فبكت وارتدت كفنها
وفي التحريرتم دفنها
هنا قبرمصر هنا يدفن مجدها
هنا دبحوا مبارك واهانوا قدرها


علي إسم مصر
علي إسم مصر يقول التاريخ ماشاء .. ماعدا إسم مبارك وسوزان وعلاء .. تاريخ مصر الجديد مافيهوش ياناس مبارك ولا يعرف كلمه ولاء .. قتلنا يامصر رئيسنا وشتمنا كمان زعماء .. هتفنا بإسم وائل ومشينا ورا أسماء .. ووقفنا في التحرير وسمعنا كلام إسراء .. رجع البرادعي لمصر فنسينا كلمة وفاء .. علي إسم مصر يقول التاريخ ماشااااااااااااء


دموعنا تجري حزن وندم
تحيي فينا جرح والم
ثورتنا شقت قلب الوطن
كتبت نهايته بالقلم
رفعت راية فتنه ودمار
...نكًست الوان العلم
ولعت فينا لهيب ونار
طمعت فينا الامم
بقينا نكدب ليل نهار
والصدق جوانا اتعدم
قلنا نعمل بخور وذار
ونحضر جني محترم
طلع برادعي وسط البخار
ومعاه شويه من الغنم
جايبين معاهم ذل وعار
عايزين بلدنا تنهدم
لف الزمن علينا ودار
والبرادعي اصبح حكم
يحكم الشعب الحمار
ويضربهم بالجذم

انا مصر
ام الوجود والبشر
طير حزين وانكسر
جسد موجوع مريض
الموت جوايا انتشر
...مبارك ابني اسير
قلبي عليه اتعصر
ليلي طويل مرير
ليل من غير قمر
مين في السما بيطير
وسط الرياح والعفر
وازاي ياورد تدبل
وسط التراب والمطر
النيل بيبكي حزين
والناس قلوبها حجر
جبتوا القساوه منين
وازاي يروح البصر
بقيتو مش شايفين
وحكم عليكو القدر
تموتوا مدبوحين
ويضيع العمرهدر
وسط ناس طمعانين
وناس حاسين بالخطر

من قلعه التحرير
المماليك رجعولك يامصر
من قلعه التحرير
سبقوا الزمن والعصر
راجعين يهدوا الخير
مماليك الخراب والفقر
...جايبين عسكر كتير
رافعين رايات الغدر
عايزين رقابنا تطير
خراب دمار وقهر
والاسم قال تغيير
وجخ يكتب شعر
كلامه كله حقير
اعمل معروف يا وائل
ارحل وسيبنا بخير
بلدنا كانت حلوه
وبتحترم الكبير

انا النقيب
شاعر كل الفلول
بدافع عن الريس
واللي يقول يقول
ماكنتش يوم منافق
...ولاهابقي في يوم مذلول
واللي رافض كلامي
اناعنه مش مسؤل
مبارك عندي رمز
فارس وابن اصول
امين شريف عفيف
وهاقول كده علي طول
رايي هو رايي
وعقلي غير العقول
برضه هاحب الريس
والعمر في حبه يطول
يابخت الريس بيا
وانافاضي ومش مشغول
هاقول الشعر عنه
بالعرض وكمان بالطول
يلا بقي يا فلول
نغني كمان ونقول
مبارك هو الرمز
مبارك ابن اصول

إرحل
ارحل بامرالقدر
ارحل في ركب القمر
ارحل وبلا خجل
فكيف يخجل منتصر
ارحل كماالشمع يحترق
...
ليضيئ ظلام الدروب
كماالشمس وقت الغروب
كماالحبيب يفترق
تبكيه كل القلوب
كماالحب ينطلق
سهما في صدرمحبوب
ارحل ابا كريما
فاطفالنا تهفو اليك
ارحل واترك حملنا
فالحمل ثقيلا عليك
ويزيد الحمل غدرا
فالغدر ابكي عينيك
ارحل واهجر ذلنا
فالعز في وجنتيك
ارحل واترك ظلمنا
فالظلم يدمي معصميك
ارحل كدمعة سالت
لتروي بدفءً شفتيك


ارحل واترك حقدنا
اني اتوسل اليك
حان وقت الرحيل
فانطلق نسرا في الفضاء
...
حملتنا زمننا طويل
وجاء وقت الارتقاء
بلدنا ارضاً قحيل
وانت تحب السماء
فانطلق نسر مصر
واترك لنا العناء
اترك لنا علما
يحرقه الجهلاء
ارحل ولا تحزن
فنحن شر ابتلاء
ارحل كما الروح
تصعد في العلا
والجسد يأكله الفناء
ارحل فقد مات فينا
معني الوفاء
محمد النقيب
شاعر فلول النظام

الايام
بتدور زي الرحايا
تطحن قلوب الناس
وتسيب وراهاالضحايا
ومين مننا بيعيش
...من غير ذنوب وخطايا
ياللي قطفت خيري
واكلت عيش ويايا
دلوقت ليه قدامي
ماكنت زمان ورايا
تبوس تراب جذمتي
تتمني يوم رضايا
خلاص هجرت بيتي
ورافض تعيش معايا؟
وروحت كمان لغيري
وتقول عليا كفايا؟
كفايه عليك ياحصان
ياللي اخرك عضمايه
كنت زمان تحرسني
دلوقت بتجري ورايا
بكره الايام تدور
وتجيبك تحت الرحايا


***
المنافق كائن غريب
انسان ومخلوق عجيب
يضحك معاك في وشك
ويقول عليك حبيب
وفي ضهرك يقوم يغشك
...ويكون لعدوك قريب
هما دول المنافين
وفي زمن المنافقين
كل شئ اصبح خيانه
والمدح يقلب اهانه
والاصيل مظلوم بيضرخ
ازاي يعيش ويانا
والكلاب عماله تنبح
تهبش وتجري ورانا
اصل دا زمن الكلاب
ونفوس الكلاب خربانه
بس هنقول اسفين يا ريس
وخلي الكلاب سعرانه
مش هنكتم صوت جوانا
لو دا وقت النفاق
يبقي احنا صوت الامانه


المتخاذلون

بكي بدموع التماسيح وتخاذل بدون اي عذراوسبب عن النزول لمصطفي محمود
وكانه بيسعي لتوريط الناس اللي بتحب الريس بجد ومستعدة تعمل عشانه اي حاجه وبقول للناس دي ياريت بلاش نسمعكم تاني واسكتوا خلوا المخلصين هما اللي يتكلموا وبقولهم كمان ياريتكم تتعلموا من بتوع التحرير العزيمه والاصرار والاخلاص لقضيتكم
المتخاذلون
ايها المؤيدون المتخاذلون
ايها المتكاسلون
الا تستحون..؟
ومن انفسكم الا تخجلون
...يهان كبيركم وانتم
جالسون... راكعون
الا تفيض بالدمع اعينكم
ام انكم كاذبون
انكم اشر منهم
ايها المتخاذلون
لاخير ابدا فيكم
ولا انتم ثائرون
انكم كما الانعام
دوما تساقون
يركبهم الناس علناً
ولايغضبون
فارقونا بربكم
فاننا منكم قانطون
سئمنا الاعتماد عليكم
ايها الفاشلون
انكم عارا علينا
وإننامنكم...متبرأون
كلمات
محمد النقيب
شاعر المخلصين


------------------------------ Egypt - Boys and Girls ------------------------------




كم تمنيت أن اكون إبتسامة ً على شفتى طفل
أو دمعة ً فى عين تائب

---
لا إله إلا أنت سبحانك
إنـى كـنـت مـن الــظـالـمـيـن








الرجوع الى أعلى الصفحة اذهب الى الأسفل
GoDy
إنسبيكى مبتدئ
إنسبيكى مبتدئ
avatar

انثى
عدد الرسائل : 11
العمر : 29
السٌّمعَة : 0
نقاط : 79
تاريخ التسجيل : 16/02/2008

مُساهمةموضوع: رد: خواطر الأديب .. محمد النقيب .. شاعر أبناء مبارك   السبت 19 نوفمبر 2011, 1:33 am

السلام عليكم
سلمت يمناك بجد لما كتبت
فضلت وقت طويل امام كليماتك
رائعه
لسه الدنيا بخير
وفى حد بيحب الرئيس
الرجوع الى أعلى الصفحة اذهب الى الأسفل
Ahmed
مـــجـــرد إنـــســـان
مـــجـــرد إنـــســـان
avatar

ذكر
عدد الرسائل : 925
السٌّمعَة : 0
نقاط : 1245
تاريخ التسجيل : 28/01/2008

مُساهمةموضوع: رد: خواطر الأديب .. محمد النقيب .. شاعر أبناء مبارك   الجمعة 23 ديسمبر 2011, 12:53 pm

ستظل ذكراك الطيبة سيدي الرئيس خالدة في قلوب المخلصين من أبناء شعبك الوفي الأصيل
ولتحل اللعنة علي الخونة والعملاء والمنافقين والمتسلقين

------------------------------ Egypt - Boys and Girls ------------------------------




كم تمنيت أن اكون إبتسامة ً على شفتى طفل
أو دمعة ً فى عين تائب

---
لا إله إلا أنت سبحانك
إنـى كـنـت مـن الــظـالـمـيـن








الرجوع الى أعلى الصفحة اذهب الى الأسفل
 
خواطر الأديب .. محمد النقيب .. شاعر أبناء مبارك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــصــر - أولاد وبـنـات ™ Egypt - Boys and Girls  :: الـمـلــتــقـى الأدبــى :: خــــواطــــر-
انتقل الى: